Nas últimas décadas, a nosa sociedade sufriu cambios que afectaron principalmente á estrutura social, o que provocou un espertar no estudo das relacións interxeracionais, especialmente entre persoas maiores e nenos.

A intervención sitúase na Guarda, un pequeno pobo ao sur das Rías Baixas, onde se pretende un cambio de uso:  de unha vivienda unifamiliar a unha ludoteca interxeracional.

Tendo en conta que a palabra Ludoteca provén do latín "Ludus" que significa xogo e da palabra grega "Théke" que significa caixa, proponse que o edificio sexa como unha caixa onde no seu interior se gardan e se amosan xoguetes.

Un divertido centro funcional e versátil adicado completamente ao xogo e á lectura, onde os seus membros de diferentes idades comparten e experimentan  mediante actividades físicas e mentais de xeito controlado.