Hoop é un conto infantil ilustrado que trata dun ser que ten que afrontar o seu medo e ser valente nun incidente inesperado. As ilustracións foron realizadas en acrílico e lapis de cores sobre papel Canson de 360 g/m2 e posteriormente retocadas en Procreate e Photoshop. O formato do libro é de 19 x 25 cm e de tapa dura, mais este cambia a orientación no transcurso da historia de horizontal a vertical para novamente volver ao estado inicial.