→

FOTOGRAFÍA

mATRICULACIÓN EN FOTOGRAFÍA

VOLVER

Titulación

Acceso e admisión

Formulario de matrícula

Prácticas

MATRICULACIÓN EN FOTOGRAFÍA

MATRICULACIÓNS

O que precisas saber

MATRICULACIÓN

Despois de aprobar a proba de acceso e obter praza, teño que facer algo máis?

Si, tes que facer a matrícula na Secretaría da Escola na que obtiveches a praza, no prazo establecido na convocatoria de acceso e admisión do alumnado ás EEAAPP de Deseño para o seguinte curso.

Se non obteño praza, pero estou na lista de espera, aínda teño posibilidade de poder matricularme?

Si, se as persoas que obtiveron praza non formalizan a matrícula en Secretaría, publicarase una nova lista de persoas que acadan praza e ábrese un novo prazo para que esas persoas se matriculen e así sucesivamente ata completar tódalas prazas ofertadas.

Canto custa a matrícula nas EEAAPP de Fotografía, Ilustración e Ebanistería Artística?

A matrícula nos Ciclos Superiores é gratuíta. No caso de ser menor de 28 anos, hai que abonar o importe do seguro escolar, que o curso pasado tiña un importe de 1.12€. No momento de formalizar a matrícula, deberás aportar 3 fotografías tamaño carné.

Cal é o prazo de matriculación?

A matrícula de novo alumnado realízase nos prazos estipulados na instrucións de acceso e admisión correspondente a cada curso académico. Habitualmente realízase na segunda quincena de xullo e, caso houber adxudicación extraordinaria de prazas, na primeira semana de setembro. A matrícula para antigo alumnado será na primeira primeira quincena de xullo.

Podo anular a matrícula?

Sí se é por causa xustificada (enfermidade prolongada, deberes familiares, incorporación a un posto de traballo) poderás renunciar á matrícula, por unha soa vez, dirixindo unha solicitude á Dirección da Escola cunha antelación mínima de dous meses á avaliación final dos módulos nos que estiveses matriculado.

A solicitude deberá ir acompañada de documentación acreditativa que xustifique tal renuncia. Se a Dirección acepta a renuncia, iso NON IMPLICARÁ RESERVA DE PRAZA PARA O SEGUINTE CURSO, de tal forma que se desexas reincorporarte a estes estudos deberás someterte a un novo proceso de admisión.

Cando se produce a anulación de oficio da matrícula?

Unha vez iniciado o curso e antes do 31 de outubro se hai unha falta de asistencia continuada de dúas semanas, e tras requerimento escrito o/a alumno/a, este/a non se incorpora nun prazo máximo de 3 días. A/s vacante/s resultante/s será/n cuberta/s polo alumnado en lista de espera.

Cando se produce a baixa de oficio da matrícula?

A partir do 31 de outubro e até o final do curso, a Escola poderá realizar baixas de oficio do alumnado que deixe de asistir a clase sen xustificación de forma continuada durante 25 días lectivos, ou 35 días lectivos se é de forma descontinua.

Pódese reclamar unha vacante resultante de unha anulación de oficio ou renuncia de matrícula?

Si, sempre que a lista de espera se corresponde co tipo de vacante. Por exemplo; en 1º curso, a anulación de matrícula de alumnado repetidor non xenera vacante a cubrir pola lista de espera das probas de acceso. As baixas de oficio ou renuncias posteriores ao 31 de outubro non xeneran vacantes.

CONVALIDACIÓNS

Cando e onde se presentan as solicitudes validación e/ou recoñecemento de módulos?

A solicitude, dirixida á Dirección Xeral de Educación, debe presentarse na secretaría da escola no prazo máximo de 1 mes iniciado o curso e a Dirección Xeral resolve no prazo máximo de 3 meses desde que recibe a documentación.Os estudos recoñecidos non poderán superar o 60 por 100 dos créditos do plan de estudos ou do currículo do título que se pretende cursar.

TITULACIÓN E PERMANENCIA

Que titulación acado ao rematar os estudos?

Ao rematar os estudos acádase a titulación de Técnico Superior.

Podo cursar o 1º curso nunha especialidade e solicitar o cambio a outra especialidade nos seguintes cursos?

Non, incluso entre especialidades pertencentes á mesma familia profesional con proba de acceso común. Se queres cambiar de especialidade deberás presentarte a unha nova proba de acceso específica e, se for o caso, solicitar na fase de matrícula a validación de algúns módulos superados na antiga especialidade.

BECAS

Podo solicitar unha beca?

Si. A beca hai que tramitala directamente dende a páxina web do Ministerio de Educación. No momento de facer a matrícula, deberás indicar se a solicitaches.

Como solicito unha beca?

A Beca tes que tramitala directamente desde a páxina web do Ministerio de Educación. No momento de facer a matrícula, deberás indicar se a solicitaches, e unha vez que saia a resolución coa concesión ou denegación, deberás informar á Secretaría da Escola. Debes ler con atención a normativa relativa ás Becas, é a túa responsabilidade; prazos de tramitación, requisitos académicos respecto ao número mínimo de créditos nos que debes estar matriculado/a, se son computables os créditos das disciplinas recoñecidas ou convalidadas, etc…

PROXECTO INTEGRADO

Vou facer traballo Fin de Estudos?

Si. Para rematar os Estudos hai que presentar un Proxecto Integrado.

Podo realizar o Proxecto Integrado (PI) con módulos suspensos?

Debes ter todos os módulos aprobados agás a Formación Práctica en Empresas.Excepcionalmente a xefa de estudos poderá autorizarche a realización do PI con módulos suspensos sempre que a suma dos créditos ECTS non sexa superior a 18 e se teñan superados os módulos de Proxectos.

Debo matricularme de novo para presentarme á convocatoria de decembro do PI?

Si, aínda que sexa a convocatoria extraordinaria correspondente á matrícula do curso anterior, a nova matrícula é precisa para a xestión dos procedementos administrativos implicados.

PRÁCTICAS

Vou facer prácticas en Empresas?

Si. No 2º curso, está prevista a realización da Formación en Centros de Traballo cunha carga horaria de 150. A Escola ten establecidos convenios con diversas empresas que acollen ao alumnado en prácticas. E tamén podes propor a empresa na que queres facer as prácticas e a Escola elabora o convenio correspondente.

Podo realizar a Formación Práctica en Empresas con módulos suspensos?

Debes ter todos os módulos aprobados agás o Proxecto Integrado. Excepcionalmente a xefa de estudos poderá autorizarche a realización das PE con módulos suspensos sempre que a suma dos créditos ECTS non sexa superior a 18.

Podo solicitar a exención da formación Práctica en Empresas se teño experiencia laboral?

Si, poderá ser total ou parcial e sempre que se acredite unha experiencia laboral de, polo menos, un ano nun campo profesional directamente relacionado co do ciclo formativo de grao superior correspondente.

mATRICULACIÓN EN FOTOGRAFÍA

VOLVER

MATRICULACIÓN EN FOTOGRAFÍA

MATRICULACIÓNS

O que precisas saber

links e descargables