O propósito do proxecto Micelio é crear unha guía micolóxica diferente e unha app móbil intuitiva (todo pensado para Galicia). Coa composición sinxela de contidos complexos, calquera adulto interesado no Mundo Fungi pode aprender sobre os conceptos xerais da micoloxía de xeito rápido e divertido. Así como o proxecto mostra as nocións básicas, Micelio inclúe tamén unha clave macroscópica pensada para atopar o nome do cogumelo da especie atopada, un glosario con termos específicos e unha gran cantidade de temas relacionados.

Cabe mencionar que a app ten dúas versións planeadas: unha Pro e unha de balde. Coa Pro, entre outras cousas, o usuario pode rexistrar e inspeccionar os seus lugares preferidoscoa axuda do mapa. A guía está dividida en diferentes fascículos, ofrecendo unha mostra do primeiro, o cal se centra nos aspectos xerais da micoloxía. As seguintes entregas están planificadas para clasificar as deiferentes familias de cogumelos.