Publicada a Resolución do 7 de abril de 2025 da Dirección Xeral de Formación Profesional, pola que se convocan as probas e se ditan instrucións para o acceso e admisión do alumnado ás ensinanzas artísticas profesionais de Artes Plásticas e Deseño para o curso 2025/26.

Toda a información referente ao procedemento de acceso ás ensinanzas artísticas superiores estará dispoñible no portal educativo da Consellería de Educación, Ciencia, Universidades e Formación Profesional, así como na páxina de inicio da aplicación EAS. As persoas admitidas no procedemento -que dispoñan de DNI ou NIE- terán opción de consultar as listaxes provisionais e definitivas de cualificacións e adxudicacións na súa área persoal de EAS nos prazos establecidos na resolución.

‍

O prazo de presentación de solicitudes comprenderá desde o día seguinte ao da publicación desta resolución no Diario Oficial de Galicia ata o día 13 de xuño, ambos os dous incluídos.

Con carácter xeral, as solicitudes deberán realizarse de maneira telemática cubrindo o formulario dispoñible en www.edu.xunta.gal/eas/, e empregando o certificado dixital ou sistema de usuario e clave Chave365 (https://sede.xunta.gal/chave365).

‍

‍
A proba substitutiva do bacharelato realizarase o 25 de xuño desde as 10.00 ata as 17.00 horas.
A proba específica de acceso realizarase o día 8 de xullo desde as 10.00 ata as 19.00 horas.

Guía do proceso de inscrición do acceso ás ensinanzas artísticas profesionais

‍

RESUMO DO CALENDARIO DE ACCESO E ADMISIÓN:‍

‍FASE DE INSCRICIÓN
Desde o día seguinte ao da publicación no DOG ata o 13 de xuño · Primeiro prazo de inscrición: alumnado que solicita proba substitutiva de requisito de titulación.
‍17 de xuño · Publicación de listaxe provisional de persoas admitidas e excluídas tras 1º prazo de inscrición.
18 e 19 de xuño · Período de reclamación contra a listaxe provisional tras 1º prazo de inscrición.
23 de xuño · Publicación de listaxe definitiva de persoas admitidas e excluídas tras 1º prazo de inscrición
‍Desde o día seguinte ao da publicación no DOG ata o 26 de xuño · Segundo prazo de inscrición: alumnado que cumpre co requisito de titulación
30 de xuño · Publicación da listaxe provisional de persoas admitidas e excluídas tras 2º prazo de inscrición
‍1 e 2 de xullo · Período de reclamación contra a listaxe provisional de persoas admitidas e excluídas do 2º prazo de inscrición
4 de xullo · Publicación da listaxe definitiva de persoas admitidas e excluídas no 2º prazo de inscrición

‍FASE DE PROBAS
25 de xuño · Proba substitutiva do requisito de titulación
30 de xuño · Publicación da listaxe provisional de cualificacións da proba substitutiva do requisito de titulación
1 e 2 de xullo · Período de reclamación contra a listaxe provisional de cualificacións da proba substitutiva do requisito de titulación
4 de xullo · Publicación da listaxe definitiva de cualificacións da proba substitutiva do requisito de titulación
8 de xullo · Realización da proba específica
‍15 de xullo · Publicación da listaxe provisional de cualificacións da proba específica
16 e 17 de xullo · Período de reclamación contra a listaxe de cualificacións da proba específica
21 de xullo · Publicación da listaxe definitiva de cualificacións da proba específica

‍FASE DE ADXUDICACIÓN E MATRÍCULA
21 de xullo · Publicación da listaxe de 1ª adxudicación
22, 23 e 24 de xullo · 1º período de formalización de matrícula para o curso 2025/26
28 de xullo · Publicación 2ª adxudicación de prazas
29, 30 e 3 de xullo · 2º período de formalización de matrícula para o curso 2025/26

‍
‍‍

‍