Sementedomes é un proxecto ecolóxico de carácter lúdico, conformado nun pack que ofrece información e material para levar a cabo unha horta urbana en Galicia. Está composto por un calendario, unha guía de horticultura, dous bolsos de pano e unha oveira con ovos que servirán de sementeiras. Os seus obxectivos son atraer a todo tipo de público dada a súa natureza desenfadada, ofrecer un deseño respetuoso co medio e difundir a cultura das hortas urbanas. O deseño baséase no movemento DIY, caracterízase pola súa limpeza e sinxeleza e utiliza como ferramentas alternativas a ilustración e o hand lettering.