Publicada no DOG do 24 de abril a Resolución do 7 de abril de 2022, da Secretaría Xeral de Educación e Formación Profesional, pola que se ditan instrucións para o acceso e admisión do alumnado ás ensinanzas superiores de Deseño para o curso 2022/23.

‍

Prazas ofertadas:
‍Ensinanzas Superiores de Deseño Gráfico: Total, 20 prazas.
16 prazas para acceso con proba (das que se reservan 2 prazas para persoas que acrediten unha discapacidade igual ou superior ao 33%) e 4 prazas para acceso directo.

Ensinanzas Superiores de Deseño de Interiores: Total 20 prazas.
16 prazas para acceso con proba (das que se reservan 2 prazas para persoas que acrediten unha discapacidade igual ou superior ao 33%) e 4 prazas para acceso directo.

‍

Descarga aquí o documento oficial

‍‍

O prazo de presentación das solicitudes comprenderá desde o día seguinte ao da publicación desta resolución ata o 23 de maio, ambos os dous incluídos. As persoas aspirantes que non se acollan a realizar a proba que substitúe o requisito de titulación de bacharelato poderán presentar solicitude ata o 23 de xuño.

Con carácter xeral, as solicitudes deberán realizarse de maneira telemática cubrindo o formulario dispoñible en www.edu.xunta.gal/eas/, e empregando o certificado dixital ou sistema de usuario e clave Chave365 (https://sede.xunta.gal/chave365). Non obstante, tamén se poderá formalizar a inscrición directamente nas secretarías das Escolas de Arte e Superiores de Deseño.

‍

Información a consignar nos impresos de pagamento de taxas:

Importe
64€. Non pode fraccionarse o importe.
Consellería
Consellería de Cultura, Educación e Formación Profesional. Código: 07
Delegación
Ourense. Código:30
Servizo
Ensino Medio. Código 03
Denominación
Estudos Superiores de Deseño. Código 352600
Obxecto de Pago
Inscrición para o acceso ás ensinanzas superiores de deseño curso 2022/23

‍

A proba substitutiva do bacharelato realizarase o 31 de maio no IES San Clemente de Santiago de Compostela.
A proba específica de acceso realizarase o día 5 de xullo nas Escolas de Arte e Superiores de Deseño.

Información xeral e preguntas frecuentes-Deseño Gráfico
Información xeral e preguntas frecuentes-Deseño de interiores

‍
Proba substitutiva do bacharelato 2020/21
Proba específica 2020/21

Resumo do calendario de acceso e admisión:
23 de maio. Data límite de presentación de solicitudes que se teñan que acoller á realización da proba substitutiva do Bacharelato. Telemática ou nas EASD.
25 de maio. Listaxe provisional de persoas inscritas admitidas para a realización da proba substitutiva.
26 e 27 de maio. Reclamacións contra a listaxe provisional.
30 de maio. Listaxe definitiva de persoas admitidas para a realización da proba substitutiva.
31 de maio. Proba substitutiva do Bacharelato no IES San Clemente de Santiago de Compostela.
23 de xuño. Data límite de presentación de solicitudes que non se teñan que acoller á realización da proba substitutiva do Bacharelato. Telemática ou nas EASD.
‍28 de xuño. Listaxe provisional de persoas inscritas admitidas para a realización da proba específica.
29 e 30 de xuño. Reclamacións contra a listaxe provisional.
4 de xullo. Listaxe definitiva de persoas admitidas para a realización da proba específica.
5 de xullo. Proba específica de acceso nas Escolas de Arte e Superiores de Deseño.
8 de xullo. Cualificacións e listaxe provisional de adxudicación de prazas.
‍11 e 12 de xullo. Reclamacións contra a listaxe provisional.
18 de xullo. Listaxe definitiva de adxudicación de prazas.
19 a 21 de xullo. Matrícula.
26 de xullo. Adxudicación de prazas vacantes.
27 e 28 de xullo. Matrícula de prazas vacantes.
Primeiros de setembro. Probas de acceso extraordinarias no caso de aínda existir vacantes.
7 e 8 de setembro. Matrícula extraordinaria.