search


Presentación Anuario 2014


Demo02
publicado
December 12th, 2014
escrito por
secretaria
categoría
escola, noticias
comentarios
0 comentarios

Xoves 18 de Decembro às 20:00h.
Presentación de DEMO, nº 6 do anuario da Escola de Arte e Superior de Deseño Antonio Failde.
Centro cultural Marcos Valcárcel.
Rúa do Progreso, 40, Ourense

Hai seis anos nasceu o anuário da EASD de Ourense a petiçom do seu alunado. É distribuído gratuitamente entre a comunidade escolar e remitido a empresas, instituiçons académicas e organismos ligados aos ámbitos das especialidades da oferta formativa da Escola; Fotografía Artística, Ilustración, Ebanistería Artística, Deseño de Interiores e Deseño Gráfico.
O continente, diferente em cada entrega, é ideado no seu naming, design e maquetaçom polo alunado da matéria Deseño Editorial das Ensinanzas Superiores de Deseño Gráfico, de entre cujas propostas é selecionada anualmente umha. A presente é da autoria de Andrés González Abril. Demo resume bem a natureza da publicaçom na sua acepçom de prova, primeiros tentos, embora alguns trabalhos já possuam um alto nível de madureza e profissionalidade, como se pode comprovar nos Projectos de Fim de Carreira aqui publicados.
O conteúdo é umha escolma do labor realizado polo alunado das distintas especialidades da Escola, tanto dos que estám cursando estudos, quanto dos que já acabarom e se converterom em profissionais, mas também de artigos de professorado da Escola e de colaboradores externos. A este respeito, o anuário pretendeu desde os seus inícios ser um médio de projecçom da Escola ao exterior, de conexom com o ambito profissional, cultural e artístico, procurando a colaboraçom de autores de reconhecido prestígio a nível local, nacional e internacional. Neste mesmo número temos o privilégio de contar com um acaido artigo de Andrew Howard, um dos assinantes de First Things First, o relevante manifesto sobre a ética do design. Outrora contáramos também com um dos máximos referentes da criaçom tipográfica, Dino Dos Santos, o professor e designer bahiano Marcos Vinicius de Souza, o comissário e crítico de arte Xosé Antón Castro, os designers Xosé Lois Vázquez e Xurxo Baca, os artistas Miguel Mosquera e Iván Prieto, o investigador e bibliófilo Alfonso Prada, os publicistas Manuela Soto e Víctor González, o arquitecto Óscar Gonfer, o ilustrador Santy Gutierrez ou, também neste número, o conservador-restaurador Xosé Lois Méndez. Obrigado a todos eles.
Umha especial gratidom para a Asociación Galega de Deseñadores (DAG) cujos membros mostrarom sempre umha excelente disposiçom à parceria com nós. Desta volta contribuem com sendos artigos, dous dos seus membros; Uqui Permui e o estudo Desescribir. Noutras ocasons também por aqui passaram Alberto G. Ariza, Marcos Dopico e Óscar Otero.
Se este médio consegue afinal ser um instrumento útil para a promoçom do trabalho do nosso alunado e para a difusom da actividade criativa e projectual gerada na Escola, será mérito de um esforço colectivo e poderemos considerar cumprido os objectivos principais para os que foi concebida.

Xosé Manoel González

Cartaz de Andrés González Abril

Comentar



8 − one =