EASD Antonio Faílde, Ourense

Acceso Ensinanzas Superiores de Deseño

secretaria — Wed, 15 May 2013 15:02:40 +0000

Acceso Ensinanzas Superiores de Deseño

Proba de madureza. (para maiores de 19 anos que non posúan o Bacharelato).
Inscrición nas Escolas do 13 ao 30 de maio. Ambos incluídos.
Celebración da proba o 7 de xuño no IES As Fontiñas de Santiago de Compostela de 9:00h a 17:00h.
Máis información

Proba específica (todos).
Inscrición nas Escolas do 15 de maio ao 6 de xuño. Ambos incluídos.
Celebración da proba o 20 de xuño na EASD Pablo Picasso da Coruña de 10:00h. a 20:00h.
Máis Información

A un lado e a outro

secretaria — Tue, 14 May 2013 10:29:56 +0000

A un lado e a outro

O Museo Municipal de Ourense acolle esta exposición de Ofelia Cardo, profesora de Volume da nosa Escola, do 9 de maio ao 2 de xuño.
Unha evocadora mostra conceptual que, a través de distintos soportes e materiais como a fotografia ou a instalación, narra a futilidade da própia vida.

Palestra ilustración

grafico — Tue, 29 Jan 2013 10:07:07 +0000

Palestra ilustración
Xoves 31 de Xaneiro ás 11:30h. na sala de actos.
Charla- coloquio a cargo de Santy Gutierrez sobre humor gráfico e Marcos Calo sobre ilustración dixital multi-formato.

Select K

grafico — Wed, 12 Dec 2012 16:49:58 +0000

Select K
O prestixioso anuário de creatividade estatal de Deseño Gráfico da editorial barcelonesa Index Book seleccionou para a súa última edición un total de 4 proxectos de alunado da nosa Escola; Cookie Lovers de Cristina Fernández, A Pé de Cuba de Xosé Manuel Rodríguez, Arion CD de Carlos Alonso e CamelHoof de Tomás Gutierrez. O doble volume cos apartados Profesional e Escolas acaba de sair á venda e para o alunado da escola interesado en adquirílo hai un importante desconto (19€ en vez de 39€). Interesados inscribir-se na secretaria da Escola.

Toño Monteiro

secretaria — Mon, 10 Dec 2012 11:28:34 +0000

Toño Monteiro
Mércores 12 de decembro ás 10:00h, conferencia sobre a sua obra escultórica, no Salón de Actos.
Ás 11:30h. Taller práctico sobre procedimentos na Aula 103 (ebanistería).

Novas tendencias en publicidade

grafico — Wed, 28 Nov 2012 12:55:44 +0000

Que hai de novo? Novas tendencias en publicidade.
Luns 3 de Dezembro ás 9:00h.
O Departamento de Grao en Deseño Gráfico organiza este seminario que terá lugar na Escola de Arte e será impartido Manuela Soto e Víctor González, membros da axencia viguesa Fusión Servizos Creativos. Neste seminário combinaránse a exposición teórica coa análise de casos prácticos sobre as novas correntes en dirección de arte publicitaria e deseño gráfico.
Estrutura do seminario:
De 9:00h. a 11:00h. palestra e debate posterior, no salón de actos.
De 12:00h. a 1:30h. taller práctico (só alumnado de 3º curso de Grao en Deseño Gráfico) na aula 202.
Fusión Servizos Creativos

Arte contemporánea e deseño

grafico — Fri, 23 Nov 2012 11:58:16 +0000

Arte contemporánea e Deseño
Palestra de Antón Castro
Mércores 28 de Novembro ás 11:00h. Salón de Actos.
Antón Castro Fernández é Doutor en Historia da Arte e foi subdirector xeral de Patrimonio do Ministerio de Cultura e director do Instituto Cervantes en Milán. Ten publicado múltiples libros e artigos e comisariado exposicións, tanto en España como no extranxeiro. Actualmente imparte clases na Facultade de Belas Artes de Pontevedra.
Na imaxe, videoinstalación In Search of Vanished Blood de Nalini Malani na Documenta 13 de Kassel.
Fotografia (c) dapd

Arquitectura nos réximes comunista e nazi

interiores — Tue, 23 Oct 2012 15:55:07 +0000

A arquitectura como experiencia fallida no construtivismo ruso e como realidade construída nos reximes nazi e comunista.
Palestra de Óscar Gónfer.
Martes 6 de Novembro, ás 09:30 h. Salón de actos da Escola.
Con esta ponencia trátase, por una banda, de fundamentar a idea da importancia dos coñecimentos históricos como aportacións imprescincibles para o traballo cotiá de un deseñador e, por outra, de analizar en casos concretos, cómo as condicións político-sociais de un periodo histórico, determinan ineludiblemente o futuro dun movimento artístico, independentemente do seu valor intrínseco.
Ao finalizar a conferencia, repartirase de xeito gratuito un libreto dixital de 170 páxinas a cor, con todos os contidos da ponencia, elaborado polo conferenciante.

Escola de Ulm

secretaria — Tue, 25 Sep 2012 12:59:18 +0000

O departamento de Ensinanzas de grao de Deseño Gráfico organiza para o próximo martes 2 de outubro unha visita guiada á exposición da Fundación Barrié na súa sede de Vigo Deseño de Sistemas. Escola de Ulm, do Ulmer Museum–HfG-Archiv, Ulm (Alemaña), unha exposición organizada polo Disseny Hub Barcelona (DHUB), que mostra unha visión panorámica do traballo da Escola de Ulm na configuración do deseño e a formación dos deseñadores. Presenta o traballo da Escola de Ulm (1953-1968), punto de inflexión e xenuíno comezo das correntes modernas de desenvolvemento do deseño na industria e na formación de deseñadores de produto. A mostra, composta por 70 pezas procedentes do arquivo da Hochschule für Gestaltung de Ulm (Alemaña) e de coleccións privadas e arquivos españois, explora o concepto de sistema, expresado como conxunto de compoñentes enlazados racionalmente entre si, que son capaces de xerar un obxecto ou de contribuír ao seu desenvolvemento e formación. O deseñador gráfico Otl Aicher, co-fundador e profesor da escola, é unha das principais figuras da gráfica do movemento moderno e nesta exposición están expostas algunhas das obras desenvolvidas por el como a identidade corporativa e programa da identtidade corporativa das olimpiadas de Munich de 1972. Mais información en: http://www.fundacionbarrie.org/gl/actividades/exposicions/exposicions-temporais/366 O autocar sairá ás 09:00h. da entrada ao recinto da Universidade Laboral e regresará a Ourense a mediodía.

Presentación anuario 2011-12

secretaria — Tue, 11 Sep 2012 09:01:44 +0000

O próximo Luns, 17 de Setembro ás 12:30h. no Salón de Actos, presentaráse o anuario de criatividade 2011-12 da Escola de Arte e Superior de Deseño Antonio Failde. Como sempre, despois do acto serán distribuídos exemplares entre a comunidade escolar. Nesta ocasión, o nome escollido (Nova) e o deseño gráfico son da autoría de Olaia Rodríguez Ferrando, alumna de 3º cuso dos Estudos Superiores de Deseño Gráfico. Colaboraron neste número alunos e profesores de todas as especialidades, así como ilustres colaboradores externos como Miguel Robledo (banda deseñada), Alberto García Ariza (programación), Marcos Dopico, (identidade corporativa) e Dino Dos Santos (tipografía). En breve será subida a versión web neste mesmo sítio.